交通消息

 落——————-班——————————-啦!!

话咁快又到五点半啦！即刻睇睇各大道路情况

 

首先係荔湾：
康王入龙津西、入长寿、入西华、入西门口方向全部
已经立立糯糯；华贵、宝华、多宝、逢源也已经开始
车多嘞；

 

坢塘往恩宁方向缓慢；第十甫去长堤o既朋友注意嘞：
因为十八甫爆水管抢修紧，临时封闭，请改道珠玑路
兜过上下九转入康王南，再屈返去沙面过长堤咁走。

 

再望望南岸一带：哗！例牌菜啦：黄沙大道o既车排紧
长龙啦！从如意坊巴士总站一直塞，龙尾黎到环翠园；

而水产码头等紧潜水过海 o既车辆，係珠江隧道内环落
桥口回旋处打晒死裂，而家六二三路及黄沙大道两个方
向都行唔到啦。各位速速兜路啦

 

跟住睇睇东山：
黄花岗一带、东山口、新河浦、内环线过海印、二沙岛、
东华东、东川转中山二、德政南三角市全线挤逼。特别
注意：寺右新马路有部的士坎巴士，而家塞紧，经过的
朋友要改道上东濠涌咁走会快d

 

黎睇睇芳村：花地湾往海八路、东漖南去里水、鹤洞大
桥三处畅顺；而陆居路酒吧街有人跳楼笪死，该路由两
线改为单线行驶，明心路及周边马路开始排队车多

 

天河讲黎都多旧鱼，无道顺；而河南几好：磨碟沙、江
南大道、赤岗、琶洲一带几好，车仔行得快。而市二宫
地铁站o既富基花园因为第六座32楼发生火灾，消防员正
扑救紧，大家请改道大基头行嘞!

睇返黎沙园转入江南西o既美华酒家门口对开路面，有部
私家车出烟着火泊系路边，经过时注意睇路！

 

马上去睇机场线：除了新市及黄石出口缓慢，车龙排到
去高尔夫花园，之外其他出入口畅顺。广源快线：系车
陂过高塘石有缓慢外，一直飞到文冲都顺。华南快线：
往南方向小谷围行得比较慢。官洲有道路工程所以临时
改道大学城。

 

好嘞讲下例牌塞死路段：西环o既西村路口入同德围、天
河北转入林和西、麓湖上去东濠涌、沙河顶落去军坟场、
美丽华酒店去大沙头、罗冲围o既东旺段同广清线出入口、
信和广场及美院、大坦沙过去陈家祠、长洲岛码头附近、
同埋汇侨新城回族坟场一带全———————-部排晒队。

 

刚刚收到消息：华南影都有人抢钱，歹徒横过马路逃跑时
候被一架私家车撞死，条尸仲摆係路中间，并引致四车连

环相碰，而家睇到警员已经到现场处理，广圆西入环市路

的车辆已经从王圣堂塞到三元里嘞，大家请记得饶道啦。

各位抓车朋友小心忍让。千其米禽禽青！我收工先！BYE 

 

 

 (By:MACPO)

 

 

-

Advertisement